ازاى تعمل اعلان مجانى على الانترنت ؟!

893 مشاهدات اترك تعليق

ازاى تعمل اعلان مجانى على الانترنت

 قبل منتكلم على ازاى اعمل اعلان على الانترنت لازم تفهم ليه بتستخدم الانترنت ؟ يعنى ليه متنزلش للناس بشكل مباشر و تسوق لبضاعتك او تبيعها على طول ؟

دلوقت الانترنت بقا اسهل و اسرع وسيلة لبيع منتج او عرض خدمة . ليه ؟

  • لان بكل بساطة انت ممكن تلاقي ناس كتير بتستخدم النت و مش موجودة في الشارع فعشان كده النت هيخليك تعرف عدد اكبر من الناس على بضاعتك او الخدمة الي بتقدمها .
  • كمان انت مش محتاج تبقى موجود طول الوقت عشان تتكلم مع الناس ، بالعكس اعلانك الناس بتشوفه في ال 24 ساعة ، حتى و انت نايم اعلانك بيتشاف .
  • مش محتاج تسافر محافظة تانية او بلد تانية لان اعلانك بيتشاف من كل مكان في العالم .
  • مش محتاج تضيع وقتك و تنزل تقابل الزبون و تشرحله و تفضل تعيد نفس الكلام لاكتر من شخص لا انت وانت قاعد في بيتك تقدر ترد على كل استفساراتهم من خلال التليفون او الرسايل او الايميل .
  • اعلانك بيبقى شرح بالصور او الفيديو و ده هيكون معبر اكتر و واضح للناس .
  • انت كمان بتقدر تعرف كام واحد شاف اعلانك و ممكن تغير الاعلان و تكتبه بكذا طريقة و تعرف اكتر حاجة شدت انتباه الناس .

طيب الاعلان على الانترنت ده هيكلفنى و لا لا ؟

  • الاعلان بيكون مجانى و بفلوس و طبعا انت بتختار و الطبيعي انك تفتكر ان المفروض تبدا بلي بفلوس عشان تلاقي عد اكبر من الزباين ، طبعا لا !
  • تقدر تبتدى باعلانات مجانية و هتوصل لشريحة كبيرة جدا من الزباين و هتتعرف كمان انت و السلعة الي بتبيعها او الخدمة الي بتقدمها .

ازاى اعمل اعلان مجانى و فعال في نفس الوقت ؟

  • انت اول حاجة لازم تعرف انت هتبيع ايه ؟ سلعة و لا خدمة ؟
  • تانى حاجة هتحدد زباينك ؟ انا الي هحدد زباينى ؟ اه طبعا ؟ هتسأل نفسك كام سؤال انا ببيع لمين سنهم اد ايه بيدرسوا و لا لا شباب و لا كبار و لا اطفال . مهم جدا تحدد زبونك .
  • تبدا تكتب وصف للسلعة الي هتبيعها او الخدمة الي بتقدمها و ايه الي يميزها عن غيرها من الي منافسينك بيقدمها ، و طبعا مش هتقول عيوب سلع غيرك لان ده هيقلل من قيمة البضاعة بتاعتك و منك انت شخصيا
  • مهم جدا انك تحط صور للمنتج و تكون واضحة للزبون و جودتها عالية و مهم جدا يكون ليك شعار بيميزك و يسهل على الزباين معرفة بضاعتك او خدمتك
  • بلاش الاعلان يبقى مبهم و لا كمان فيه كل التفاصيل عشان الزبون لا يهمل اعلانك و لا يمل منه .
  • اوعى تنسى تكتب رقم التليفون الخاص بيك و يا ريت يكون رقمين عشان لو في مشكلة في واحد يقدر يوصلك عن طريق التانى .
  • دايما اختار الكلمات الي الزبون بيدور عليها من غير متخترع الفاظ و كلمات جديدة لان اعلانك كده مش هيوصل للزبون .
  • العنوان اكتر حاجة هتشد الزبون و تخليه يدخل و يشوف الاعلان باهتمام .

و دلوقت تقدر تسجل حسابك على موقع تاجرلى و يكون ليك بروفايل بصورتك او بلوجو شركتك من خلال الرابط ده

http://tajerly.com/index.php?page=register&action=register

و بكل سهولة تمشي على الخطوات الي قلناها و ترفع اعلانك على موقع تاجرلى من هنا

http://tajerly.com/index.php?page=item&action=item_add

 

 

 

 

Total 1 Votes
0

هل الموضوع مفيد ؟

+ = Verify Human or Spambot ?

نبذة عن الكاتب

Wafaa ElBandry

وفاء حسنين البندرى ، بكالريوس تجارة انجليزى ادارة اعمال ، متخصصة في التسويق الالكترونى ، وادارة مواقع التواصل الاجتماعي .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *