يعنى اية تعويم الجنية فى مصر ؟

1010 مشاهدات اترك تعليق

تعويم الجنيه

يعنى ايه تعويم الجنيه ؟

يعني البنك المركزى رفع ايده عن العملة و ساب السوق هو الي يحدده حسب العرض و الطلب و ده طبعا هيأثر على اسعار المنتجات و المواد الغذائية ، ليه ؟

لان مصر بتستورد تقريبا 70% من احتياجاتها و بالتالي المستورد هيضطر يدفع مبلغ اكبر لان قيمة الجنيه قلت عكس الصادرات لان الصادرات بتزيد في الدولة الي قيمة العملة المحلية بتاعتها بتقل .

يعنى لما اجى اشترى منتجات بالدولار طبعا هشتريها بسعر اعلى بكتير يعنى مثلا لو قيمة الجنيه قلت 15% هدفع بالدولار زيادة عن قيمة المنتجات دى بنفس النسبة و طبعا ده هيخلى اسعار السلع عالية .

ازاى التعويم أثر على مصر ؟؟

اولا : اثر التعويم على المستهلك ؟

لان المواطن البسيط لو مثلا مرتبه 1000 جنيه مصري كأنه بيقبض 850 جنيه لو افترضنا ان قيمة الحنيه قلت 15% و بالتالي هيبقى صعب يشترى منتجات و سلع زادت بالنسبة دى لان قيمة ال 1000 قلت بكتير ، يعنى حتى الاسرة المتوسطة معيشتها هتبقى صعبة جدا بسبب القرار ده .

مش بس كده كمان سعر الحديد يعنى اسعار العقارات هتزيد و ده طبعا هيأثر على الشباب الي محتاج شقق للزواج يعنى بطالة و عزوبية و حالهم هيبقى اسوأ من الاول .

ثانيا : أثر التعويم على الادوية ؟

بما ان سعر الدولار زاد و اننا حتى الادوية بنستوردها خاصة ادوية الاورام و السكر و غيرها من الامراض المزمنة الي بتحتاج الدواء المستورد عن المحلى ، فطبعا عندنا ازمة في الاستيراد و بالتالي عندنا ازمة فى وجود الادوية دى في مصر و بالتالي في اطفال بتموت و كبار سن لان مفيش علاج !

ثالثا اثر التعويم على الاقتصاد ؟

تخفيض سعر الجنيه هيزود الاستثمار الاجنبي و جذب السياح لمصر ، لكن ده طبعا بيتعارض مع زيادة اسعار السلع بالاضافة الى ان صادارات مصر اقل من واراداتها فبرضه في ازمة !

امتى ينجح التعويم ؟

لو التعويم ده لفترة مؤقتة بشكل يخلى الاقتصاد مستقر و نجذب مستثمرين اجانب اكتر .

طب و ليه مصر قررت تعوم الجنيه دلوقت ؟

عشان تقدر تاخد قرض من صندوق النقد الدولى .

ازاى نخرج من الازمة دى ؟

اننا نقلل الوارادات و نزود الصادرات ساعتها هنقدر نواجه الازمة باننا منشتريش منتجات و سلع باسعار عالية

طب و ده هيحصل ازاى ؟

ان المصريين ينتجوا و يصنعوا المنتجات الي بنستوردها من بره يعنى بدل ما ناخد من برا بالدولار الي هو قيمته عليت اوى و مش قادرين نستورد ، لا احنا نصنع ده بايدينا بقيمة الجنيه القليلة و نصدر بقيمة الدولار العالية و بكده تزيد الصادرات و يزيد الاستثمار الاجنبي .

Total 1 Votes
0

هل الموضوع مفيد ؟

+ = Verify Human or Spambot ?

نبذة عن الكاتب

Wafaa ElBandry

وفاء حسنين البندرى ، بكالريوس تجارة انجليزى ادارة اعمال ، متخصصة في التسويق الالكترونى ، وادارة مواقع التواصل الاجتماعي .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *