ازاى تشتغلى من البيت و كمان تكسبي و يكون ليكى دخل خاص ؟!

826 مشاهدات اترك تعليق
ازاى تشتغلى من البيت

افكار للعمل من المنزل
ازاى تشتغلى من البيت و كمان تكسبي و يكون ليكى دخل خاص ؟!

عندك اولاد و صعب تسيبيهم و تنزلى تشتغلى بوقت محدد ؟ نفسك تستغلى وقتك و موهبتك في مشروع كويس و تكسبي منه ؟ لسة مش عارفة هتعملى ايه و لا عارفة انتى شاطرة فى ايه ؟
#تاجرلى هنا جمعتلك مجموعة من الافكار الي تساعدك انك تحددى مشروعك و تكسبي كمان منه 🙂
فكرة الاكل

ازاى تشتغلى من البيت
ازاى تشتغلى من البيت

لو كنتى بتطبخى كويس او عندك افكار جديدة للطبخ ممكن تكسبي من المشروع ده عن طريق اما تعملى فديوهات تعليمية على قناة على اليوتيوب و هتكسبي من نسبة المشاهدة و الاعلانات او تعملى اكل و توصليه للناس الى بتحب الاكل الجاهز او عندهم عزومات و هتتشهرى بسرعة لما ستات البيوت تتكلم عن جمال اكلك و ممكن الحلويات او المخبوزات اختارى الحاجة الى انتى شاطرة فيها

فكرة المنظفات

ازاى تشتغلى من البيت
ازاى تشتغلى من البيت

تقدرى تعملى صابون غسيل او مطهر او مسحوق كل ادوات النظافة و الطرق موجودة على النت و تبيعها باسعار اقل لان التكلفة هتكون اقل و طبعا هتلاقى ستات كتير بتشترى منك لان الحاجة غالية تقدرى تبيعها عن طريق البيوت او النت او الاتنين طبعا هيكون افضل .

فكرة البضاعة الجاهزة

ازاى تشتغلى من البيت
ازاى تشتغلى من البيت

يعنى هتشترى حاجات بالجملة و تبيعها بربح و هيكون ليكى نسبة المكسب و تقدرى تبيعها ع النت او مباشرة للناس و فى مقال تانى هقلكم ازاى تشتغلى ع النت ؟

الدروس التعليمية

ازاى تشتغلى من البيت
ازاى تشتغلى من البيت

لو كنتى مدرسة او خبيرة تجميل او معلمة اشغال يدوية تقدرى تعملى فديوهات تعليمية لتعليم الناس الحاجة دى بعنى تعملى حلقات دروس مادة معينة لمرحلة معينة او تعملى فديوهات تعليم الكروشيه او الاكسسوارات او النول او الزينة و …. الخ
معنديش خبرة فى حاجة

ممكن تكونى عايزة تعملى كل ده بس لسة معندكيش خبرة كفاية او خايفة متكونيش شاطرة اوى فى العمل ده ؟ طيب مهو فيه فيوهات تعليمية كتير هتساعدك فى المشروع تقدرى تتعلمى يعنى نفسك تشتغلى فى الخياطة اتعلمى الخياطة و اصنعى ملابس موديلات جديدة عندك و بس و بيعيها , نفسك تشتغلى فى الكروشيه اتعلمى و اعملى و بيعي و هكذا ..

Total 0 Votes
0

هل الموضوع مفيد ؟

+ = Verify Human or Spambot ?

نبذة عن الكاتب

Wafaa ElBandry

وفاء حسنين البندرى ، بكالريوس تجارة انجليزى ادارة اعمال ، متخصصة في التسويق الالكترونى ، وادارة مواقع التواصل الاجتماعي .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *